மாநில அந்தஸ்துக்கு அடிபோட்ட ஒமர்

நிகழ்ச்சியில் ஜம்மு - காஷ்மீர் முதல்வர் ஒமர் அப்துல்லா பேசியதாவது:ஜம்மு -- காஷ்மீரில் மேற்கொள்ளப்பட்ட அனைத்து ரயில்வே திட்டங்களிலும் பிரதமருடன் நானும் இருந்து வருகிறேன். இது எனக்கு கிடைத்த அதிர்ஷ்டம். 2014ல் கத்ரா ரயில் நிலையம் திறக்கப்பட்டபோது, இந்த மேடையில் இப்போது அமர்ந்திருக்கும் நான்கு பேர் அன்றும் இருந்தனர். அப்போது ரயில்வே இணை அமைச்சராக இருந்த மனோஜ் சின்ஹா, இன்று இந்த மாநிலத்தின் கவர்னராக பதவி உயர்வு பெற்றுள்ளார். ஆனால், அன்று மாநில முதல்வராக இருந்த நான், தற்போது ஒரு யூனியன் பிரதேசத்தின் முதல்வராக பதவி இறக்கம் செய்யப்பட்டுள்ளேன். ஆனால், இதை சரி செய்ய அதிக நேரம் தேவைப்படாது என நம்புகிறேன். பிரதமர் மோடி வாயிலாக, ஜம்மு - காஷ்மீர் மீண்டும் ஒரு மாநிலமாக அதன் பெருமையை மீண்டும் பெறும் என்று நம்புகிறேன். இவ்வாறு அவர் பேசினார்.