புதுடில்லி கடந்த நிதியாண்டில், அதிகளவில் அன்னிய நேரடி முதலீடுகளை ஈர்த்த மாநிலங்களில், மஹாராஷ்டிரா தொடர்ந்து முதலிடத்தை தக்க வைத்துள்ளதாக, மத்திய தொழில் மேம்பாடு மற்றும் உள்நாட்டு வர்த்தகத்துறை வெளியிட்ட தரவுகளில் தெரிவிக்கப்பட்டு உள்ளது.

கர்நாடகா இரண்டாவது இடத்தையும், டில்லி மூன்றாவது இடத்தையும் பிடித்து உள்ளன. முந்தைய ஆண்டோடு ஒப்பிடுகையில், 21.90 சதவீதம் முதலீடுகள் குறைந்ததால், குஜராத் 4வது இடத்துக்கு தள்ளப்பட்டு உள்ளது. முந்தைய ஆண்டு 6வது இடத்தில் இருந்து தமிழகம், 54.10 சதவீதம் அதிக முதலீடுகளை ஈர்த்து, 5வது இடத்துக்கு முன்னேறி உள்ளது.

கடந்த நிதியாண்டில், முந்தைய ஆண்டோடு ஒப்பிடுகையில், நிகர அன்னிய நேரடி முதலீடு வரத்து 96 சதவீதம் சரிவுடன், 2,975 கோடி ரூபாயாக உள்ளது. மொத்த அன்னிய நேரடி முதலீடு வரத்து, 14 சதவீதம் அதிகரித்து, 6,88,500 கோடி ரூபாயாக பதிவாகி உள்ளது.