வளர்ச்சிக்கு இது உதவும் தமிழகத்தில் சிறு, குறு, நடுத்தர நிறுவனங்கள், வான்வெளி, ராணுவ தொழில் துறைக்கு தேவையான பொருட்களை உற்பத்தி செய்கின்றன. இந்த விபரங்களை, வெளிநாட்டு நிறுவனங்களுக்கு தெரிவிக்க, இந்த மாநாடு நடத்தப்படுகிறது. உற்பத்தியாளர், வாங்குபவர் நேரடியாக சந்தித்து, தங்களின் தேவைகளை பகிர்ந்து கொள்வதால், இரு தரப்புக்கும் வளர்ச்சி ஏற்படும். - சந்தீப் நந்துாரி, மேலாண் இயக்குநர், 'டிட்கோ'

சிறுதொழில்களும் பயன்பெறும்
தமிழகத்தில் வான்வெளி, ராணுவ தொழிலில் ஈடுபட்டுள்ள சிறு, குறு, நடுத்தர தொழில் நிறுவனங்களை, உலகின் பெரிய நிறுவனங்களுடன் இணைக்க, இந்த மாநாடு நடத்தப்படுகிறது. இதில், 19 நாடுகளில் இருந்து, 300 பெரிய நிறுவனங்கள் வந்துள்ளன. ஒரு நிறுவனத்திற்கும், மற்றொரு நிறுவனத்திற்கும் தொடர்பை ஏற்படுத்த இந்த மாநாடு நடத்தப்படுகிறது. இதனால் தமிழகத்தில் உள்ள சிறு, குறு, நடுத்தர தொழில் நிறுவனங்கள் மற்றும் பல நாடுகளில் இருந்து வந்துள்ள பெரிய நிறுவனங்களுடன் தொடர்பு ஏற்படுத்தப்படும். இதற்காக, 5,558 கூட்டங்கள் நடத்தப்படும். - ராஜா தமிழக தொழில் துறை அமைச்சர்