புதுடில்லி:நாட்டின் சமையல் எண்ணெய் இறக்குமதி, கடந்த பிப்ரவரி மாதத்தில், நான்கு ஆண்டுகளில் இல்லாத அளவுக்கு குறைந்துள்ளது. சோயா மற்றும் சூரியகாந்தி எண்ணெயின் இறக்குமதி பெருமளவு சரிந்ததே இதற்கு முக்கிய காரணமாக அமைந்தது.

சமையல் எண்ணெய் இறக்குமதி தொடர்ந்து இரண்டு மாதங்களாக குறைந்துள்ளது. கடந்த மாதம் இறக்குமதி 8 சதவீதம் சரிந்து, 8.85 லட்சம் டன்னாக இருந்தது. கடந்த 2021 பிப்ரவரி மாதத்துக்கு பிறகு, இதுவே மிகவும் குறைவாகும்.

கடந்தாண்டு பிப்ரவரியில் இறக்குமதி 9.58 லட்சம் டன்னாக இருந்தது குறிப்பிடத்தக்கது.

எனினும், தொடர்ந்து சரிந்து வந்த பாமாயில் இறக்குமதி, ஜனவரியுடன் ஒப்பிடுகையில், பிப்ரவரியில் 35.70 சதவீதம் அதிகரித்து, 3.73 லட்சம் டன்னாக இருந்தது.