'அல்பினிசம்' (வெண்தோல் குறைபாடு) என்பது ஒரு நபரின் முடி, தோல், கண்களில் மெலனின் நிறமி குறைவாகவோ அல்லது உற்பத்தி செய்யாமலோ இருக்கும் போது ஏற்படும் ஒரு மரபணு கோளாறு. இதனால் இவர்களால் சூரிய ஒளி, பிரகாசமான ஒளியை எதிர்கொள்ள முடிவதில்லை. தோற்றத்தால் சமூகத்தில் பல இன்னல்களை சந்திக்கின்றனர். இதுகுறித்து விழிப்புணர்வு ஏற்படுத்தும் விதமாக ஐ.நா., சார்பில் ஜூன் 13ல் சர்வதேச அல்பினிசம் தினம் கடைபிடிக்கப்படுகிறது. வட அமெரிக்கா, ஐரோப்பாவில் 20 ஆயிரம் பேரில் ஒருவருக்கு இப்பாதிப்பு உள்ளது.