சென்னை, காந்தி மண்டபம் சந்திப்பில், போக்குவரத்து நெரிசலை குறைக்கும் விதமாக, நாளை முதல் போக்குவரத்து மாற்றங்கள் அமல்படுத்தப்பட உள்ளன.

இதுகுறித்து, காவல் துறை வெளியிட்டுள்ள செய்தி குறிப்பு:

* ராஜ்பவனில் இருந்து சர்தார் பட்டேல் சாலை வழியாக, மத்திய கைலாஷ் நோக்கி வரும் அரசு மாநகர பேருந்துகள் உட்பட அனைத்து வாகனங்களும், காந்தி மண்டபம் மேம்பாலத்தில் மட்டுமே செல்ல வேண்டும்

* காந்தி மண்டபம் சர்வீஸ் சாலை வழியாக, மத்திய கைலாஷ் நோக்கி வாகனங்கள் செல்ல அனுமதி இல்லை. கோட்டூர்புரம் செல்லும் வாகனங்கள் மட்டுமே அனுமதிக்கப்படும்

* இந்த மாற்றுப்பாதைகளை ஏற்படுத்த, சி.எல்.ஆர்.ஐ., பேருந்து நிறுத்தம், ஏற்கனவே உள்ள இடத்திலிருந்து, அடையாறு நோக்கி சற்று முன்னோக்கி மாற்றி அமைக்கப்பட்டுள்ளது.

இவ்வாறு அதில் கூறப்பட்டுள்ளது.