சேதமடைந்த சாலையில் மழைநீர் தேக்கம்

காஞ்சிபுரம் மாநகராட்சி, 23வது வார்டுக்கு உட்பட்ட பொய்யாகுளம், கே.எம்.வி., நகர், திருக்காலிமேடு, டி.கே.நம்பி தெரு உள்ளிட்ட பகுதியினர், திருவள்ளுவர் தெரு வழியாக சென்று வருகின்றனர்.

வாகன போக்குவரத்தும், பொதுமக்கள் நடமாட்டமும் மிகுந்த இத்தெருவுடன், -மேட்டுப்பாளையம் தெரு இணையும் இடத்தில், சாலை சேதமடைந்து பள்ளம் ஏற்பட்டுள்ளது.

சாதாரண மழைக்கே மழைநீர் தேங்கியுள்ளது. இதனால், இருசக்கர வாகன ஓட்டிகள், பள்ளி மாணவ -- மாணவியர் நிலைதடுமாறி விழுந்து விபத்தில் சிக்குகின்றனர். எனவே, திருவள்ளுவர் தெருவில், சேதமடைந்த சாலையை சீரமைக்க வேண்டும்.

- ஜி.குமரவேல், காஞ்சிபுரம்.