முதுகுளததுார்: தினமலர் நாளிதழ் செய்தி எதிரொலியாக முதுகுளத்துார் வெண்ணீர்வாய்க்கால் அருகே செல்லும் காவிரி குழாயில் ஏற்பட்டுள்ள உடைப்பை சரி செய்துள்ளனர்.

முதுகுளத்துார் அதனை சுற்றியுள்ள கிராமங்களுக்கு ரோட்டோரத்தில் அமைக்கப்பட்டுள்ள ராட்சத குழாய் மூலம் காவிரி குடிநீர் விநியோகிக்கப்படுகிறது. வெண்ணீர்வாய்க்கால் அருகே ரோட்டோரத்தில் காவிரி குழாயில் உடைப்பு ஏற்பட்டு குடிநீர் வீணாகிறது.

எந்தவொரு பயன்பாடின்றி விவசாய நிலத்தில் தேங்கி வீணாகிறது.இதனால் சுற்றியுள்ள கிராமங்களுக்கு குடிநீர் தட்டுப்பாடு ஏற்படும் அபாயம் உள்ளது.

இதுகுறித்து தினமலர் நாளிதழில் செய்தி வெளியானது.இதன் எதிரொலியாக வெண்ணீர்வாய்க்கால் அருகே காவிரி குழாயில் ஏற்பட்டுள்ள உடைப்பை குடிநீர் வடிகால் வாரிய அதிகாரிகள் சரிசெய்தனர்.