கிருஷ்ணாம்பதிக்கு தண்ணீர் வருமா?

சித்திரைச்சாவடி அணைக்கட்டில் இருந்து வழங்கு வாய்க்காலில் திறந்து விடப்படும் மழை நீர், மாநகராட்சி பகுதியில் உள்ள கிருஷ்ணாம்பதி குளத்துக்கு வந்தடைய வேண்டும். நம்பியழகன்பாளையத்தில் நாகராஜபுரம் என்ற இடத்தில் வாய்க்கால் குறுக்கே பாலம் அகலப்படுத்தப்படுகிறது. இவ்வேலை முடியாததால், வாய்க்கால் குறுக்கே மண்ணை கொட்டி, தண்ணீர் செல்ல தடை ஏற்படுத்தப்பட்டுள்ளது. இதன் காரணமாக, கிருஷ்ணாம்பதி, செல்வம்பதி, முத்தண்ணன் மற்றும் செல்வ சிந்தாமணி குளங்களுக்கு நொய்யல் ஆற்றில் இருந்து தண்ணீர் வரவில்லை. பாலம் கட்டும் பணியை விரைவுபடுத்தவோ அல்லது, தற்காலிகமாக நிறுத்தி வைத்து விட்டு, மழை நீரை குளத்துக்கோ அனுப்பவோ, கலெக்டர் கிராந்திகுமார் நடவடிக்கை எடுக்க வேண்டும். இதுதொடர்பாக, கலெக்டரின் கவனத்துக்கு மாநகராட்சி அதிகாரிகள் கொண்டு சென்றுள்ளனர்.