தெற்கு அட்லாண்டிக் கடலில் 'டிரிஸ்ட்ன் டா குன்கா' தீவு உள்ளது. இது ஒரு எரிமலை தீவு. மூன்று பகுதியாக உள்ள இத்தீவு கூட்டத்தில் ஒன்றில் மட்டும் சிறிய அளவில் (250 பேர்) மக்கள் வசிக்கின்றனர். இவர்கள் பிரிட்டனை சேர்ந்தவர்கள். இத்தீவு உலகில் எளிதில் தொடர்பு கொள்ள முடியாத 'தனிமை தீவு' என அழைக்கப்படுகிறது. இது தென் ஆப்ரிக்காவின் கேப்டவுன் நகரில் இருந்து 2787 கி.மீ., துாரத்தில் அமைந்துள்ளது. பரப்பளவு 98 சதுர கி.மீ. இதை சமீபத்தில் நாசாவின் 'லேண்ட்சாட் 9' செயற்கைக்கோள் படம் பிடித்து வெளியிட்டது.

லோக்சபா சபாநாயகராக இதுவரை 17 பேர் பதவி வகித்துள்ளனர். முதல் சபாநாயகராக இருந்தவர் மாவலங்கர். இவர் 3 ஆண்டு 288 நாட்கள் பதவியில் இருந்தார். நீண்டநாட்கள் சபாநாயகராக இருந்தவர் பல்ராம் ஜாக்கர். இவர் 9 ஆண்டு, 329 நாட்கள் பதவி வகித்தார். இதற்கு அடுத்த இடங்களில் குர்தியால் சிங் (6 ஆண்டு, 110 நாள்), எம்.ஏ.அய்யங்கார் (6 ஆண்டு, 22 நாள்), தற்போதைய சபாநாயகர் ஓம் பிர்லா (5 ஆண்டு, 14 நாட்கள்) உள்ளனர். குறைந்த நாட்கள் பதவி வகித்தவர் நீலம் சஞ்சீவ ரெட்டி (109 நாள்). தற்போதைய சபாநாயகர் உட்பட4 பேர், இரண்டு முறை பதவி வகித்தனர்.