திராட்சை பழத்தில் பல சத்துகள் உள்ளன. இந்நிலையில் டைனோசர் இனம் அழிந்தது, திராட்சை உற்பத்தி அதிகரிக்க உதவியது என அமெரிக்க ஆய்வு கண்டுபிடித்துள்ளது. 6.6 கோடி ஆண்டுகளுக்கு முன் எவரெஸ்ட் சிகரத்தை விட பெரிய விண்கற்கள், பூமி மீது விழுந்ததில் பூமியில் வாழ்ந்த நான்கில் மூன்று பங்கு உயிரினங்கள் அழிந்தன. இதில் டைனோசரும் ஒன்று. பெரிய விலங்கான டைனோசர் அழிவுக்குப்பின் தான் காடுகளில் திராட்சை உள்ளிட்ட பல்வேறு தாவரங்கள் வளர்ச்சியில் மாற்றம் ஏற்பட்டிருக்கும் என விஞ்ஞானிகள் தெரிவித்துள்ளனர்.

சூரிய ஒளி அதிகமாக கிடைக்கும் நாடுகளில் சோலார் மின்சார உற்பத்தியை அதிகரிக்க வலியுறுத்தி சர்வதேச சோலார் கூட்டமைப்பு தொடங்கப்பட்டது. பிரான்சில் 2015ல் பருவநிலை மாற்றம் தொடர்பான மாநாட்டில் இதை வலியுறுத்தியவர் பிரதமர் மோடி. இக்கூட்டமைப்பில் இந்தியா, அமெரிக்கா, ஜப்பான், பிரான்ஸ், பிரேசில் உள்ளிட்ட நாடுகள் நிரந்தர உறுப்பினராக உள்ளன. இதில் 100வது நாடாக பராகுவே சமீபத்தில் இணைந்தது. இந்த அமைப்பின் அலுவலக மொழி பிரெஞ்சு, ஆங்கிலம். தலைமையகம் ஹரியானாவின் குருகிராமில் உள்ளது.