* கடவுள் நமது பாவங்களையும், மீறுதல்களையும் மன்னிக்கிறார். நாம் மற்றவர்களின் மீறுதல்களையும்,

தவறுகளையும் மன்னித்து மறப்போம்.

* உனது பாவத்தை முதலில் பார். அப்போது பிறரின் பாவம் உன் கண்ணுக்குத் தெரியாது மறைந்துவிடும்.

* பிறரது தேவைகளை கண்டு கொண்டால் மட்டும் போதாது. தேவைகளில் உதவ வேண்டும். கடவுளை நேசிப்பவர்கள் நிச்சயம் உதவுவர்.

* கடவுள் முன் தாழ்மைப்படுங்கள். தாழ்மைக்கு இவ்வுலகிலும் இனிவரும் வாழ்விலும் நற்பலனுண்டு.

* வாழ்க்கையை வீணாக்குபவரை குறை கூறாமல், அவர் திருந்த வகை செய்ய வேண்டும். இறைவன் அந்நபர் மீது மனம் உருக்கமுள்ளவர் என்பதை உணர்த்த வேண்டும்.

* நரகத்திற்குச் சென்றவர்கள் நரகத்தின் பயங்கரத்தில் இருந்து வெளிவரமுடியாது என்பதால், இப்போதே கடவுளின் போதனையை ஏற்று வாழ்க்கையை நடத்துங்கள்.

* நீ பிறரை சுத்திகரிக்க முற்படும் முன் உன்னைச் சுத்திகரித்துக் கொள். பின்னர் பிறரை சுத்திகரிக்க உதவி செய்.

- பைபிள் பொன்மொழிகள்