விநாயகர் முன் கீழ்கண்ட பாடல்களை பாடுங்கள்.

பிடியதன் உருவுமை கொளமிகு கரியது

வடிகொடு தனதடி வழிபடும் அவரிடர்

கடிகணபதி வர அருளினன் மிகுகொடை

வடிவினர் பயில்வலி வலமுறை இறையே.

-திருஞானசம்பந்தர்

ஐந்து கரத்தனை ஆனை முகத்தனை

இந்தின் இளம்பிறை போலும் எயிற்றனை

நந்தி மகன்தனை ஞானக் கொழுந்தினைப்

புந்தியில் வைத்து அடிபோற்று கின்றேனே.

-திருமூலர்

விநாயகனே வெவ்வினையை வேரறுக்க வல்லான்

விநாயகனே வேட்கை தணிவிப்பான் - விநாயகனே

விண்ணிற்கும் மண்ணிற்கும் நாதனுமாம் தன்மையினால்

கண்ணிற் படுமின் கனிந்து

-கபிலர்

எடுக்கும் மாக்கதை இன்தமிழ்ச் செய்யுளாய்

நடக்கும் மேன்மை நமக்கு அருள் செய்திடத்

தடக்கை ஐந்துடைத் தாழ் செவி நீள்முடிக்

கடக்களிற்றை கருத்துள் இருத்துவாம்.

-தெய்வச்சேக்கிழார்

பாலும் தெளிதேனும் பாகும் பருப்பும் இவை

நாலும் கலந்துனக்கு நான் தருவேன் - கோலம்செய்

துங்கக் கரிமுகத்துத் துாமணியே நீ எனக்கு

சங்கத்தமிழ் மூன்றும் தா.

வாக்குண்டாம் நல்ல மனமுண்டாம் மாமலராள்

நோக்குண்டாம், மேனி நுடங்காது - பூக்கொண்டு

துப்பார் திருமேனித் தும்பிக்கையான் பாதம்

தப்பாமல் சார்வார் தமக்கு

-அவ்வையார்